ಶ್ರೀ ಶ್ರೀ ಶ್ರೀ 1008 ಶ್ರೀಶೈಲ ಜಗದ್ಗುರು ಡಾ. ಚೆನ್ನಸಿದ್ಧರಾಮ ಪಂಡಿತಾರಾಧ್ಯ ಶಿವಚಾರ್ಯ ಮಹಾಸ್ವಾಮೀಜಿ
ಶ್ರೀ ಮದ್ಗಿರಿರಾಜ ಸೂರ್ಯಸಿಂಹಾಸನಾಧೀಶ್ವರ ಶ್ರೀಶ್ರೀಶ್ರೀ 1008 ಶ್ರೀ ಶ್ರೀಶೈಲ ಜಗದ್ಗುರು
ಡಾ.ಚೆನ್ನಸಿದ್ಧರಾಮ ಪಂಡಿತಾರಾಧ್ಯ ಶಿವಾಚಾರ್ಯ ಮಹಾಸ್ವಾಮೀಗಳವರು ಪ್ರಸ್ತುತ ವಿದ್ಯಾಪೀಠದ
ಘನಾಧ್ಯಕ್ಷರು, ಲಿಂಗೈಕ್ಯ ಉಭಯ ಜಗದ್ಗುರುಗಳೀರ್ವರ ಕರಕಮಲ ಸಂಜಾತರಾಗಿ, ಚತುರ್‍ಭಾಷ
ಪಂಡಿತರು, ಉನ್ನತ ವ್ಯಾಸಂಗ ಕೋವಿದರು, ಮೂರು ಸ್ವರ್ಣಪದಕ ವಿಭೂಷಿತರು, ಬನಾರಸ್ ಹಿಂದೂ
ವಿಶ್ವವಿದ್ಯಾಲಯದಿಂದ (ದರ್ಶನ ಚಕ್ರವರ್ತಿ) ಪಿ.ಹೆಚ್‍ಡಿ ಪದವಿ ಪ್ರಾಪ್ತಮಾಡಿಕೊಂಡಿದ್ದಾರೆ. ಅಸ್ಖಲಿತ
ವಾಗ್ಮಿಗಳಾದ ಶ್ರೀಜಗದ್ಗುರುಗಳವರು ಧಾರ್ಮಿಕ, ಸಂಸ್ಕ್ರತಿ ಹಾಗೂ ಸಾಮಾಜಿಕ ಮಹತ್ವವುಳ್ಳ
ಗ್ರಂಥಗಳನ್ನು ರಚಿಸಿದ್ದಾರೆ. ಸ್ವತಃ ವಿದ್ವಾಂಸರಾದ ಪ್ರಸ್ತುತ ಶ್ರೀಜಗದ್ಗುರುಗಳರು ಲಿಂಗೈಕ್ಯ ಉಭಯ
ಜಗದ್ಗುರುಗಳವರು ಬಿತ್ತಿ, ಬೆಳಸಿ ಹೋದ ವಿದ್ಯಾಪೀಠವನ್ನು ಆಧುನಿಕ ಪರಿಸರಕ್ಕೆ ಹೊಂದಿಕೊಳ್ಳುವಂತೆ
ಸಮಗ್ರ ಬದಲಾವಣೆ ಮಾಡುವಲ್ಲಿ ವಿದ್ಯಾಪೀಠಕ್ಕೆ ವೈಜ್ಞಾನಿಕ ಹಾಗೂ ವೈಚಾರಿಕ ಸ್ಪರ್ಶನೀಡುತ್ತಲಿದ್ದಾರೆ.
ಮಹಾಸ್ವಾಮೀಜಿ ಅವರ ಹಿತವಾದ ಆಶೀರ್ವಾದ ಮತ್ತು ಶೈಕ್ಷಣಿಕ ಮಾರ್ಗದರ್ಶನ ನಮ್ಮ ಸಂಸ್ಥೆಯ
ಉಸಿರು ಹಾಗೂ ಎಲ್ಲ ಬಗೆಯ ಸಂಪನ್ಮೂಲಗಳ ಶಕ್ತಿಯಾಗಿದ್ದಾರೆ.
